يا عذابي صابني ســـــــهم الزمان ..... يا زماني اوفيت لك ليه انت تغدر ؟
شـوف قلبي من فراقك كيف يعاني ..... ارحمه ما فيه يكفـــــــي وانت تقدر
يا عذابــــي يا دواي يا حنانـــــي ..... يا مصابـــي عن شـــــــفاي لا تأخر
قلبــــي بعدك ما عرف طعم الآمان ..... مثل طير ما احبســــــــوه ولا تحرر
ما يدور عن غرامك حب ثانـــي ..... خيروه ينام ينســــــــــــــى ما تخير
غير حبك ما رضي بســ الأماني ..... صعبة التحقيق مســــــــرع ما تبخر
يا عذابــي مثل دقات الثوانــــي ..... ما توقف ولا ترحم من تكســـــــــر
مدري حظي هالردي من وين جاني ..... كل ما جا ينتهض طاح وتعثــــــر
إيـه يا قلبي كفاني ، ما كفاني !؟ ..... ليه أكذب وأنا دمعــــــــي قد تحدر
آبتســم وأنا دمعي قد ملانــــــي ..... والله أن الضيم للرجال يقهـــــــــر
والله لو جوني رجال بالثمانــي ..... ما جزع قلبي ولا قمت اتأخــــــــر
بس حظي جبلي بيض الكفانـي ..... مرحبا يا حظ ما يفيد أتحســـــــــر
حظي ، زف لها البشاير والتهاني ..... قوم بشــرها أن قلبي قد تدمــــــر
خلها تفرح وتلحن الأغانــــــي ..... خلها من نشوة الفوز تســــــــــكر
وبلغوها تقرأ بالســبع المثانــي ..... عقب موتي علها تحس وتتأثــــــر
كنت أحسب أن الهوى بك ما نساني ..... كنت أحسب أنك صافي لي مثل مرمر
ودي أســأل بالحروف وبالمعاني ..... وش كسبتي ؟ وانا بدمعي اتعفر ؟
يعني فزتي يوم ترضى لي الهوان ..... يوم ذقتك بالجفا وقلبـــــي تمرمر
اسكتي .. والحب صار اليوم فاني ..... إخرســـــــــي قلبك لن قام يتعذر
ما قبلت أعتذار من صد وجفانــي ..... لو فؤادي من فراقه يتجمـــــــــر
ذوقي كاس بالغدر لك قد سقانــي ..... واصبري من مثل ما كنت آتصبر
ثم غني (( قلبي من بعدك يعاني ..... ارحمه ... ما فيه يكفي وانت تقدر ))
للشــــــــــــــــــــــــــــــــــــــــــــــــــــاعر (( ماجد العيطان )) ...... منقول
موضوع: قصيدة ( يا عذابي ) 
الأربعاء أبريل 09, 2008 3:59 pm
