لقاء مع الأخت ( ألين )

الســــــــــلام عليكم ورحمه الله وبركاته

تحية طيبة لجميع الأعضاء والمشـرفين والمسـؤولين عن المنتدى

أما بعد :

كانت الفكرة من الموضوع هو إقامة لقاء مع أحد الأعضاء المجتهدين والنشــيطين في المنتدى والتعرف على حياته الشــخصية وتفكيره والكثير مما نجهله

وســـتكون ضيفتنا في أول لقاء هي .....

وردة حزينة ونجمة ســاطعة في ســماء المنتدى تقدم له أروع قصائد الشــعر وأجمل ســطور الحزن وأحلى الأحاسـيسـ والمشــاعر الصادقة المرهفة الأنثوية

الأخـت الغالية على قلوبنا والصديقة العزيزة لنا جميعاً ( ألين )

نتقدم لها بأجمل باقات الورد والياســمين

لقاء بســيط مع الأخـت ألين قد يقربنا منها أكثر وأكثر

لنتعرف معاً على هذه العضوة النشـيطة والمبدعة ببعض الأســئلة التي قمت بطرحها مؤخراً وقد قامت بالأجابة عنها بكل صراحة وشــفافية

أترككم مع اللقاء ......

بشار :عرفي عن نفســك : الأسـم ، الأقامة ، العمر ، الدراسة ، الهواية

ألين : اسمي ألين عمري 21 سنة من سورية مقيمة بالمغرب سنة تالتة طب بشري هوايتي كتابة الشعر والخواطر

بشار :تكلمي عن أحلامك :

ألين : تتعدد احلامي مع انتقالي من مرحلة الى اخرى

في مرحلة الطفولةكانت اقصى احلامي اني ادخل كلية الطب

في مرحلة المراهقةكان حلمي اصادف شخص يحبني

الان حلمي اني ارجع بلدي..واني موت بين احضان اهلي

بشار :ما هي أمنياتك ومالذي تحقق ومالذي لم يتحقق بعد

ألين :أمنياتي بسيطة جدا..بس صعبة بزمن المادة

بتمنى انو اسعد امي وحققلها كل احلامها

بتمنى من الله انو يجمعني بالانسان الي بحبو

واخر شي بتمنى انو نال رضى الله وكون من سكان الجنة

بشار : عرفي بعض الكلمات : الحب ، الخيانة ، الصداقة ، الغيرة

ألين :

الخيانة:سيف يمزق القلب يقتل الاحلام يسلخ جلد التسامح

الصداقةعملة نادرة صعب تصريفها ولكنها موجودة

الغيرةاروع مشاعر تتفاخر بها النساء وانا اعتبر نفسي من عشاقها

الحب....الحب ليس ان ينظر احدنا الى الاخر بل ان ننظر معا في اتجاه واحد..جبران خليل جبران...وانا متفقة معه

بشار :رتبي هذه الكلمات بدأ من الافضل بالنسبة لكِ : الأولاد ، الزوج ، المال ، العمل ، السعادة ، الأهل

ألين :الاهل..العمل..الزواج ..الاولاد...السعادة...المال

بشار :ما هو برجك ؟ وهل تأمنياً بالأبراج

ألين :برجي الدلو...بصراحة بحب اضطلع عليها لكن ما بامن فيها بكتر ما بامن بانا بشر مختلفين عن بعض

بشار :تكلمي عن وطنك الأم ببعض الكلمات

ألين :وطني: أم انجبت ابنة تفتخر لانتمائها الى تلك الاحشاء...وطني هو جواز سفري وحبه يجري بعروقي...ومهما طالت غربتي..عائدة

بشار :ما هو أول شيئ تفعليه عندما تستيقظي صباحاً

ألين :تلقيت هدية من حبيبي وقد اتخذتها عادة ان أقوم بتقبيلها في كل صباح لكي لا اشعر ببعده عني

بشار :من يوجد داخل قلبك

ألين :قلبي..قصر يسكنه ملك واحد...وطفل واحد..ورجل واح وهو : حبيبي

بشار :ألين حزينة .... ما هو سبب هذا الحزن

ألين :

:

حزينة...ربما غاضبة..او متألمة

حزينةمن زمان فرض علي الابتعاد عن من احب

غاضبةمن طبائع البشر وغدرها

متألمةمن جرح زمن الماضي

بشار :ألين تملك قصر كبير ..... أختاري ثلاثة أشخاص ليسكنوا فيه

ألين :أمي...حبيبي أخي

بشار :ألين تملك ســجن ..... أختاري ثلاثة أشخاص لتضعيهم فيه

ألين :صديق خائن...حبيب غدار...و أبي

طبعاً هون أنا ســئلت ألين ليش أخترتي ابوكي ؟ وكان الجواب

ألين :بحتفظ بسرية الاجابة ..مارح جاوب

بشار :تملكين باقة من الورود .... لمن تعطيها ؟

ألين :لأمي

بشار : من هو أعز إنسان فقدته

ألين : حبيبي

بشار : حدثينا عن موقف محرج حصل معك

ألين : ممممممم اخر موقف هو لما انكسر كعب الكندرة وانا نازلة لاحكي مع البروفسور ومواقف كتير ما بزكرها

بشار : ألين .... ماذا تفضلين ؟ المدارس المختلطة أم المدارس العادية ولماذا

ألين : المختلطة لانو كل شي ممننوع مرغوب

بشار : وجهي بعض الكلمات .... لأمك ، لأباكي ، لصديقتك ،

ألين :

امي....بقلها: بحبك وسامحيني لاني بغلط كتير بحقك

ابي..بقلو...الله يسامحك .

صديقتي بقلها: الحب عمرو ماكان عملة بتنباع وبتشترى

بشار : أختاري بلد عربي وبلد أجنبي تتمنين زيارته

ألين : بلد عربي من غير بلدي....فلسطين

بلد أجنبي ..... كندا

بشار : ما هي أجمل لحظة مررت بها

ألين : رغم قلتها..الا ان اجمل لحظة من غير لحظات النجاح ..لحظة تعرفي على من يسكن قلبي

بشار : ماذا يعني لك الأنترنت

ألين :

وسيلة لتبادل الثقافات

التعرف

وشخصيا بحب اتعرف على ناس من المشرق بحكم انو بشتاق لعاداتنا وتقاليدنا وصراحة للهجتنا

بشار : ما هي مواصفات الشاب المثالي بالنسبة لكِ

ألين :

انو يعرف كيف يملك قلبي

موضروري مواصفات مادية ولا شكلية

بقدر الاخلاق ويلي صار قليل نحصل عليها

بشار : شاب تحبينه ولكنه فقير وشاب لا تحبينه ولكنه يستطيع ان يقدم لكِ جميع مقومات الحياة الرائعة والرفاهية من تختارين ؟ ولماذا ؟

ألين :

الفقير..ورغم انو البعض حيقول عني انو عم اهرب من الواقع وانو مجرد كلام

بس

الغني حيصير فقير...والفقير غني باخلاقو وطاعتو لربو وانا بختار الفقير لاني بحبو

بشار : يعني متل ما بقول المتل ( يا اخد القرد على مالو بيروح المال وبيضل القرد على حالو )

ألين : اي يمكن

بشار : بماذا تفكرين قبل النوم ؟

ألين : متى ساعود لسوريا والتقي بحبيب قلبي

بشار : ما هي الأخطاء التي ارتكبتها من قبل وتتمنين التراجع عنها

ألين :

من عادتي ما بتراجع عن موقف او قرار

ازا غلطت فانا فخورة وبتحمل النتيجة

ومابتراجع

بشار : يعني اذا غلطتي بحق شخص ما ما بتتراجعي عن غلطك ولا بتعتزري ؟

ألين : طبعا بعترف بغلطتي وبعتزر لانو الاعتراف بالغلط شجاعة وانا شجاعة

بشار : اختاري احد هذه المهن : طبيبة ، محامية ، مهندسة

ألين : محامية

بشار : ما هو شعار حياتك ؟

ألين : واثق الخطوة يمشي ملكا...وانو الفشل طريق النجاح

بشار : ايمتى اخر مرة بكيتي ؟

ألين : مبارح بالليل

بشار : ما هو رأيك بالمنتدى ؟

ألين :

يلي لفت انتباهي اسم المنتدى..

انا بسمي حالي ملكة الاحزان بعد اعتزالي لقب ملكة الغرام

وجدت انو هالمنتدى حديقة متنوعة

رأي فيه انو ينقصه بعض اهتمام الاعضاء فيه

الا انه من افضل المنتديات وبدون مجاملة

بشار : ألين توجه بعض الكلمات لأعضاء المنتدى

ألين : اعزائي...كلنا بشر كلنا مررنا بلحظات سعادة وخوف وفرح واكتئاب وحزن..انظرو الى صفحة منتدانا واجعلو منها سلاحا ليخرج طاقات مشاعركم وقدمو له لأنه سـيعطيكم المحبة فيما بينكم

وقالت ألين قبل النهاية ( أنا أول مرة بجاوب بصراحة وما حاولت راوغ بالأجوبة )

أنتهى اللقاء وان شالله تكونو تعرفتو على الأخت ألين وعلى جزء من تفكيرها وحياتها ويلي عندو أســئلة بيقدر يكتب كل الأســئلة يلي بدو ياها وألين رح تجاوب عليها

وقد وجهت ألين بعض الكلمات لي حبيت حطهم حتى غيري يســتفيد منهم كمان

ألين : اضطلع بالسما حتلاقي في نجوم كتير..وبعدد هالنجوم..في لحظات سعادة الك

الشـــــــكر كل الشــكر للأخت ألين على الوقت الي عطتني ياه حتى أقدر أطرح كل هالأســئلة وبشــكرها مرة تانية على صراحتها بالأجابة

طبعاً بوعدكم يكون في لقائات قادمة مع أعضاء عم يقدمو مجهود كبير في المنتدى وان شاء الله الأســبوع الجاية رح يكون في لقاء جديد وعضو جديد رح يدخل مجموعة مواضيع ( لقائات مباشــرة )

مسا الخير
تحية لصاحب القلم الفضي..الغالي بشار
كان اللقاء مجالسة رائعة وكانت الاسئلة زوء وكلها احترام كمثل صاحبها
شكرا الك وانا انتظر اي تسال من اي عضو
وانا انتظر الضيف الجديد
وبحب وجهلك تحية وشكر على الفكرة الرائعة ويلي بتقربنا من بعض

تقبل مروري

السسلام عليكم ورحمة الله وبركاته
أخت ألينو أتمنى منك تقبل نصيحتي الأب مهما جار وظلم يضل أب ولكل منا في قلبه مكان للمسامحة أرجو أنك تغيري نظرتك في كثير ناس تحس باحساسك تجاه الأب يمكن من الظروف محد يدري بس المهم أن الأب أب مهما كان وغضبه مو سسهلل
مقابلة كتير حلوة يعطيك ألف عافية أخي بشار وشكرا للأخت ألينو لصراحتها وجراتها منتظر لقاء جديد على أحر من الجمر

اهلا وسهلا فيكي اخت ألين

منورة واجابات رائعة من أخت رائعة

الله يقويكي يارب

وينولك مرادك

ان شاء الله بنشوفك دكتورة وبترجعي لبلدك

وبتحققي كل احلامك

كل شي بالصبر والجهد بيصير

لكي مني ارق التحيات

أخوكي

دارك ماستر

السلام عليكم
مشكورة اختي على الاجوبة وان شاءالله ترجعي لبلدك الام
وانتي باحسن الظروف
واهلا وسهلا فيكي ببلدي الي هو بلدك الثاني
ياريت تئلي شو الاماكن الي حبيتيا بالمغرب ؟ وانواع الاكل الي تعلمتيهن ؟

هلالا داركوو

مشــكور على المرور والأهتمام

الله يعطيك الف عافية يا رب

تحياتـــــــــــي

هلالالا خيتوو مرســال

مشــكورة على المرور والأهتمام

ونحنا بنتظار الينوو لتجاوب على الأســئلة

تحياتــــــي

ولو إجيت متأخر...بس على رأي للي قال ((أن تصل متأخرا خير من ألا تصل أبدا))

...بصراحة وبدون أي مجاملة.....فكرة رائعة جدا....لقائات مباشرة....رائع جدا بشار

حوار لذيذ......

ولكن تعليق بسيط...!

في مرحلة الطفولةكانت اقصى احلامي اني ادخل كلية الطب

ألين : محامية

.......................

هل تغير الحلم...مع مرور الزمن...لماذا..؟!

................................................ولكما جزيل الشكر المحاوِر والمحاوَر معه

ياريت تئلي شو الاماكن الي حبيتيا بالمغرب ؟ وانواع الاكل الي تعلمتيهن ؟
زرت اماكن كتير ..الرباط..الدار البضاء..تقريبا بحكم اقامتي هون
زرت المغرب كلو
تعلمت أكلات مغربية كتيرة..كالطاجين..والحريرة ..الخ
هل تغير الحلم...مع مرور الزمن...لماذا..؟!
اي تغير الحلم...يمكن رغيبة مني اني أرضي امي ....ضحت كتير كرمالي
مافيها شي ازا تخليت عن حلم كرمال رضائها صح؟

ألف شكر لكل من مر ع الموضوع ورد
كلكم زوء
تحياتي الك

شكرا لتجاوبك السريع عزيزتي....