أقصى قصيدة

لا جيت ابنسـى واتراجـع واسامحـكـ
صاحن جروحي واشتكن لي طعونـكـ
كلكـ خيانه قـول .. وشلـون ابمنحـكـ
وش موقفكـ من شخص دايم يخونـكـ
اكبر خطا.. لو جيت يمـكـ اصالحـكـ
اول تحـوّل .. لاتغـرّكـ إلحـونـكـ
اللي تقوله صح .. لو كنـت جارحـك ـ
( مير ) انت غارق للاسف في ظنونكـ
وصفكـ نسيته بس .. باقـي ملامحـكـ
بنهيـكـ وانهـي بالنهايـه جنـونـكـ
ماتستحـق امــد (كفي)واصافـحـكـ
مثلكـ غلط عمـري وابحيـا بدونـكـ
لعبـت دوركـ شـاهـدتٍ مسـارحـكـ
خدعتنـي واظهـرت خافـي فنونـكـ
كنت اعتقد قلبي هو ابـرز مطامحـكـ
اللي يبيـع النـاس لجلـه يصونـكـ
تعبت اسوق الشوق يمـكـ واصارحـكـ
اخلصت لكـ بالحب شوفـت عيونـكـ
لكن خساره صـرت غايـة مصالحـكـ
ياليتنـي ماجيـت لحظـه بكـونـكـ
بالامس كنت بنشـوة الحـب امازحـكـ
اخيـل برقـكـ واتحـرى امـزونـكـ
واليوم من صفحـة حياتـي ابمسحـكـ
هديت صرحكـ ثـم طاحـت ركونـكـ
ولابي عيوني لـو تصـورت تلمحـكـ
اعلنت موتكـ وانسجـن لـي كفونـكـ
وان جيت تطلـب ترتجينـي اسامحـكـ
بهديـكـ طعنـه مـن بقايـا طعونـكـ


**منقوووووووول**